یک غزل_مثنوی ِ فارسی_بختیاری از مادر شعر بختیاری مریم موسوی گورابی

خبر داری ای باد از داغها

از آلاله ی خفته در باغها

از آن نوبهاران گل روی دوش

جوانان دل روشن سبز پوش

از آنان که شیر خطر خورده اند

و سر در مصاف خطر برده اند

از او شونَخوسون دایم بیار

از او رُستمون یَل سَر دیار

زِمِردون وا اَو روو تاته زا

زِشیرون بی باک هفت وچهار

زِ او نُم بُلندونِ که سی گوگری

گِرهدن تفنگ و بوستن قطار

بگرد امشب ای باد دنبالشان

بپرس ازهمین شهر احوالشان

برو تا ببینی که شیران زرد

چه کردند درصحنه های نبرد

بپرس ازهیاهوی پیکارشان

از آن شیرسنگی گلزارشان

ورق زن زمان را برو دورها

برو باد تا دور منصورها

ببین از یلان رسول خدا

چه مانده به یاد و چه مانده به جا

بگو باد سیمون که روز تَقاص

کُجه مَند دست وکُجه مَند پاس

کُجه زلف چی شوسه باد اوشنی

کُجه زور دشمن بری زونیاس

بگو باد از بی قراری بگو

و از غیرت بختیاری بگو

بگو و پدیدار کن داغ را

صدا کن درختان این باغ را

بخوان باد تا دشت را خون کنی

و مُنگشت را باز مجنون کنی

نگو مرد رفته است از این کوچه ها

نگو شهر مانده است در انزوا

نگو مرد رفته است و ما بی کسیم

و بی مرد به انتها میرسیم

که کُر شیر نعره پلنگ ایزنه

هنی هم تِکی وُر تفنگ ایزنه

هَنی سَنگرس بَسته وه جونسه

تفنگس هَنی هم سَرِ شونسه

هنی خین ایلیس جوش ایزنه

و چی روکلو هی خروش ایزنه

هَنی غیرتس کوهنه خاک ایکنه

نهیوس دل بردِ چاک ایکنه

هنی خاک سُهر از گُلِ خینسه

و بَسته هَنی بَندِ پوتینسه

اَیَر خینِ تِشنیس بوسی زمین

و پاهاس جا منده سر دستِ مین

اَیَر دِشمنس طَوُل جنگ ایزنه

و وا حیله دنیانه رنگ ایزنه

اَیَر باد هم اوشنی زلفسه

وتیر ستم ترتنی زلفسه

ایر خاک بوسیده پَس شونسه

نها رَهنِ غیرت اَیَر جونسه

کُرِ شیر نعره پلنگ ایزنه

هَنی هم تِکی وُر تفنگ ایزنه

بگو دشمنه شیر پَس نیکشه

نبوهه تفنگس نفس نیکشه

بگو دشمنه کُرپِلِ* مالمون

نفس وا نفس خار و خَس نیکشه

یو کُر ایله که پاک میره ولی

دل و جونسه پی هَوَس نیکشه

خدا دونه که شیر آزاده و

وه طالعس نَشقِ قفس نیکشه

بترس از نِهیوس کُرِ زالهِ یو

و از تیره ی خانِ نه داله* یو

تفنگ حَجیه *که سر شونسه

و جون علیداد *من جونسه

کُرِ شیر بی باک یورقه سوار

هنی پاتِلِ اسبسه قندهار

خوسِِ تَک اَیَر قَدرِ یَه لشکره

اَیَر سَر وه موجِ خطر ایبره

صدای تفنگس هنی هم اَیَر

مثالِ قُرُمبِشت شیرِ نره

بترس و نیو وا نِهِنگِس که یو

ز بُنکوی سرداره مینا سره*

قوشن داره مرده که پَس نیزنه

یو از ذاتِ بیویِ شوخی زنه*

بگو دشمنه خووت آشفته بو

و نالشتِ برنووِت آشفته بو

وه طیفونِ سُمِ سوارون ایل

پَلِ سوزِ بنیووت آشفته بو

بگو دشمنه وا نهیو پیا

همو لیزه سر شووت آشفته بو

که کُر شیر نَعره پلنگ ایزنه

هَنی هم تِکی وُر تفنگ ایزنه

#مریم_موسوی_گورابی

#مادر_شعر_بختیاری

https://telegram.me/sheretabareizeh

روکلو:کنایه از رود طغیانگر،در سرزمین های بختیاری رودهایی با این نام وجود دارد.

یلان رسول خدا:کنایه از گردان حضرت رسول ایذه.

طول:طبل،کنایه از اعلان جنگ است.

کرپل:مرد قوی هیکل.

شیر نه دال:کنایه از علیداد از اسطوره های بختیاری.

تفنگ حجی:نام تفنگ علیداد

سردار مینا وه سر:کنایه از سردار مریم.

بیوی شوخی زن:سردارمریم.